امي والدوالي - منتدى الدوالى

امل جديد لعلاج الكثير من الامراض بتقنية الطب الحديث

الحاصل على التدريب والبورد الامريكي بالاشعة التشخيصية والقسطرة والاشعة التدخلية تدرب 4 سنوات في برنامج الاشعة التشخيصية بجامعة تفتز Tufts University في بوسطن امريكا

تعرف اكثر على الدكتور محمد الشمري

05-13-2010, 12:18 AM

ام الشاهين

عضو جديد

تاريخ التسجيل: May 2010

مشاركات: 3

امي والدوالي

السلام عليكم .. شلونك
ما احب اطولها عليكم انا بدخل بالموضوع على طول
امي كان فيها دوالي برجولها الثنتين وكانت ماتشتكي منهم لكن لما كبرت ألحين وصار فيهم ألم شديد ما تستحمله المسكينه راحت تراجع عند كذا دكتور لكن كانو يماطلون ويعطونها بس مسكنات
بعد فتره ورمو رجولها وصار لون الورم احمر ..ما اخبي عليكم من شدة حبي لها وخوفي عليها دشيت النت ادور عن الدوالي
وشفت موقع الدكتور محمد وقريت بالنتدى وبحثت عن الدوالي كأني صرت دكتوره بالدوالي من كثر ما بحثت فيه ..
المهم عرفت انه هذا الورم التهاب بالدوالي وممكن يتحول جلطه اهني قلبي كان بيوقف من شدة خوفي على امي الغاليه
فقمت احن عليها واصر انها تسوي العمليه لدرجة اني اترجها ترجي لين وافقت لكن شرطها كان انها تبي دكتور ثقه من كثر خوفها من دكاترة هالوقت ..
فقلت خلاص مافي إلا الدكتور محمد الشمري وبما ان احنا بالكويت قعدنا قتره ننطر زيارته واول ما وصل بالسلامه خذيتلها موعد وسوت العمليه الحمدالله
ألحين صارلها هذا ثالث اسبوع بعد العمليه اكيد طبعا عانت شويه بعد العمليه من ضغط الجورب والحكه البسيطه وألم خفيف لكنها ألحين احسن وايد والحمدالله
وانشالله بالزياره اليايه للدكتور هم آخذ لها موعد عشان يشوفها الدكتور ويطمني عليها
حبيت انقل لكم تجربة امي مع الدوالي كتشجيع لكم عشان لا تحافون العمليه جدا بسيطه وسهله والله يشافي الكل انشالله ويخلي امي لي وامهاتكم لكم

مواقع النشر (المفضلة)

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 02:52 AM.