ضايق

سلام عليكم ..

فالبداية يا دكتور اشكرك على جهودك مع اخوانك ، والله يوفقك ويسعد ويجعلها في ميزان اعمالك ..

ببدا لك قصتي من الاول ، انا يا دكتور شاب عمري 20 سنه ..
تفاجات مره بالم مفاجئ بالخصيه وانا جالس وقتها لكن كان قبلها في مشي لفترة وقبلها ما كنت احس بالام ابد ..
تجاهلت الامر الى ان تكرر نفس الالم بعدها بشهر تقريبا ، الالم يجي دقائق ويروح من نفسه واحيانا يستمر الى نص ساعه او ساعه ..
راجعت عند استشاري قال لي بعد الفحص هذا احتقان بسبب العاده ويروح من نفسه وراح الالم فترة ، يختفي شهور ويرجع .. رحت لطبيب اخر فحص اكلينيكي وسوا لي تحليل بول الله يعزك لانه اشتبه بوجود حصوه وقال لي طبيعي ولا فيه شي. المهم بالاخير رحت عند د. سعيد قطان شافني وقال نسوي اشعه وتبين وجود دوالي ومن بعدها لا يعلم بحالي الا الله ، طبعا الدكتور قال لي اسوي تحليل سائل لكني ما سويته علما بانه قال لي الحجم عند طبيعي ونتيجة الاشعه كانت 2.5 ملم او شي من هالقبيل على الجهتين .. الالم لان خفيف جدا وما احس فيه الا اذا صار فيه احتقان .. طبعا الاشعه كانت قبل شهرين ، لكني بديت احس الان ان الحجم تغير ، ما ادري هل هي وسوسه او الدوالي اثرت .. مع اني احيان احس ان الحجم عادي واوقات احسها صغرت ..


اناطالب منك التوجيه الله يسعدك ، والله اني في ضيق. يعلمه الا الله واسال الله ان يجعل هذا في ميزان حسناتك *وهل تنصحني بتعجيل الزواج تفاديا للتاثير المتراكم .. جزاك الله خير