الخالدي

في البداية جزاك الله خيرا يادكتور علي ماتفعله للمسلمين من خدمة بالعلم الي اكرمك الله فيه
وجعلها في ميزان حسناتك باذن الله

انا يادكتور شاب ابلغ من العمر 29 سنه وعلي وجه زواج قريبا ان شاء الله
قبل 3 اسابيع تقريبا وقبل خطبتي بيوم تقريبا بديت احس بنغصات خفيفه جدا في الخصية اليسرى لا يوجد بها الم ولكن اشعر بحاجه تضايقني وتجيني وانا واقف واحيانا وانا جالس

كشفت عند 4 دكاتره وكلهم اتفقو ان الي موجود عندي دوالي في الجهه اليسرى من الدرجة الثالثة الواضحه
ولكن الاختلاف كان بعضهم قالو سو العملية وبعضهم قال لا تسوي العملية
ولكن كان في اتفاق اني لو اهملتها ونسيتها ممكن تأثر علي مستقبلاً علي حجم وخصوبة الخصي

استفساري يادكتور هل اقوم بالعملية الان علما اني انا رجل موسوس من درجة عاليه جدا جدا جدا ونفسيتي جدا تعبانه بعد ماعرفت هذا الخبر وكنت افكر بتأجيل زواجي ولم استطيع اخبار اهلي بهذا الخبر خوفا اني اضيق صدروهم معي

انا قررت اني اسوي العملية واتوكل علي الله ولكن خايف من العملية
وبالنسبة للتحيل السائل المنوي انا ما احب ان اسويه واضيق صدري ابخليها علي الله واسوي العملية واتزوج واذا ربي كاتب لي ذريه يرزقني ان شاء الله

فاحاب اعرف رأيك بالموضوع وهل تنصحني اسوي العملية !!
وطريقة العملية هل هي مجرد جرح في العانة وربط الدوالي!!
وهل صحيح ان يتم ربطبها بحاجه مثل السناره تسبب لي انتفاخ والم بعد العملية !

وسؤالي الاخير لو سويت تحليل السائل المنوي وطلع سليم هل اسوي العملية ولا لا

وشاكر ومقدر لك ,,, واسف علي الاطالة ولكن يعلم الله مافي قلبي من خوف وحزن بسبب هذا الموضوع

جبار

الله يشفيك يالخالدي معليك الدكتور بيرد عليك

الخالدي

الله يجزاك خير وماتشوف مكروه ان شاء الله

د الشمرى

أخى الخالدي..... حياك الله

أنت ما عندك مشكلة أبدا.... الدوالي عند 10% من الشباب وأكثرهم لا تسبب مشاكل.... الألمم اللى عندك جاء قريب وللا داعى تتعالج طالما المضايقة محتملة وغالبا تخف مع الوقت

شف موضوع ( على وشك زواج وعندى دوالي)

__________________
إستشاري القسطرة و الأشعة التداخلية

الخالدي

جزاك الله خير يادكتور ولكن بعد الكشف قالو لي ان الدوالي عندي من فتره طويله بس ماكنت عارفه عنها
وهي من الدرجة الثالثة صحيح الالم مابديت احس فيه الا من خلال 3 اسابيع فقط
بس انا علي وجه زواج وخايف يأثر علي وودي اعالج المشكلة من البداية اخاف اتركها تتضاعف وتسبب لي تلف في الخصوه لا سمح الله
وفي بعض الدكاتره الي كشفت عندهم قالو لي سوها أفضل من انك تنسا موضوعها
فيهمني رأيك بالموضوع
علماً ان الكشف للسائل المنوي مو حاب اسويه ابداا لاني عارف لو سويته وطلع نتايجه سلبيه بشيل هم كبير بيذبحني ,, واسف علي ازعاجك باسئلتي يادكتور محمد

د الشمرى

مافى داعى لعلاج ولا تحليل.... وتزوج على بركة الله

رابط موضوع عل وشك زواج
http://www.saudisurgeon.net/vb/showthread.php?t=3

__________________
إستشاري القسطرة و الأشعة التداخلية

الخالدي

جزاك الله الف خير يادكتور وبيض الله وجهك وفعلا انت تعطينا استشارات طبية مجانية اولا
ويستفيد منها الكثير غيرك دفعت لهم 300 ريال بس كشف وماسألته الا سؤالين وقال لي معليش في مرضا بره ينتظرون
يعني تقل بتكثر اسئلة رح خذ موعد ثاني وتعال

وانا عارف اني كثرت عليك بالاسئلة ولكن من حر ما اجوس وانا اخوك
وفرحة زواجي والله تتدمرت بعد هذا الخبر وصار همي الحين هل انا عقيم او لا
ومو مثل غيري من الشباب يفكر بشهر العسل ويفكر بالسكن والعرس والفرح
ولكن هذي حكمة ربي وارادته وان شاء الله ربي يعفو عني ويسهل أموري

ولكن سؤالي الاخير يادكتور لو اني سليم ان شاء الله وجزمت وسويت العملية كذا للاحتياط هل بيأثر علي

والسؤال الثاني لو اني ماسويت العملية مثل ماقلت انت لي وتركت الموضوع ونسيته ماتأثر علي مستقبلا او تتأثر الخصوه وحجمها وخصبوتها وبالاخص مخزن الحيونات المنوية لان اكيد انها ترتفع حرارتها من فتره لفتره خاصه بجونا الجميل هذا

علما يادكتور انا اخر 3 سنوات كنت في بريطانيا ادرس يعني الجو هنا بارد يمكن عشان كذا ماحسيت بالالم والنغصات الا يوم جيت هنا

وجزاك الله خيرا

وبالنسبة دكتور اذا حبيت اقابلك وتفحصني وتشوف حالاتي اتصل علي الرقم الجوال يسوي لي موعد معاك وعيادتك وين موجوده وشاكر ومقدر لك تعاونك

د الشمرى

أخي الخالدي............ أبيك تعرس و تكثر بني خالد
لا تسوي ولا شئ.......... أنت شاب طبيعي و لا عندك أي مشكلة

__________________
إستشاري القسطرة و الأشعة التداخلية

الخالدي

يادكتور انا الوالده ذاكره لي بنت ناس من بني شمر شكلي باخذها عشانك طيبة اصلك

لكن والله الي مخوفني يادكتور لو خلاص اعرست ونسيت السالفة ومارست حياتي طبيعية

وبكره ماجاني عيال وقالو لي صار عندك تلف في الخصوه لاني ماسويت العملية بوقتها ,, هذا الي مخوفني يادكتور فقط

هل لشخص بعمري 29 سنه ممكن خصوته تتلف بعد مرور كم سنه اذا كان اكيد عنده دوالي من الدرجة الثالثه !!

والله العظيم اخر سؤال

د الشمرى

لا أبدا..... نسيبي عنده دوالي نازلة للأرض وعنده 7 إطفال

__________________
إستشاري القسطرة و الأشعة التداخلية