فتى السلطنة

السلام عليكم ورحمة الله وبركاته


تحية طيبة للجميع


دكتور ممكن من وقتك شوي ؟!


بتاريخ 12/3/2013 عملت قسطرة للدوالي جهة اليسار

وكان التقرير للقسطرة مثل اللي موضح بالصوره



اللي عرفته من الدكتور ان التورمات رح تختفي بالتدريج بعد مده,,اليوم هو اليوم الخامس وللحين بعدها موجوده,
ف كم من المدة تحتاج لتختفي بشكل نهائي ؟!

ايضا بعد ما خلصت من القسطرة صرت اشعر بالم في البطن وفي منطقة العانه وسعال بكثرة كون ان القسطرة تم عملها من الرقبة وليس من الوريد الايمن في اليد

ف هل هذه الالام طبيعيه بعد القسطرة ؟!

في منطقة العانة جهة اليسار في تورم خفيف,بالامس بدون ما اقصد ضغطت بقوة في مكان التورم وسبب لي الم,هل هذا الالم رح يسبب لي مشاكل او انه الم مؤقت ؟؟


وشكرا لك

د الشمرى

هذا طبيعي وبيروح الألم والتورم مع الوقت

خذ بروفين ٤٠٠ ملجرام كل ٨ ساعات مع الأكل لمده إسبوع إن كانت معدك طيبه

__________________
إستشاري القسطرة و الأشعة التداخلية

فتى السلطنة

شاكر لك الرد دكتور

طيب علشان تخف عني الهلوسه شوي,

هل الدوالي رح تروح ان شاء الله مع الوقت وكم يحتاج لها علشان تروح ؟!

اذا الالم طبيعي رح اتحمله ان شاء الله لين يخف

د الشمرى

إنشاءالله تزين آمورك ويخف الألم تدريجيا

النتيجه المأموله تظهر بعد ٣ شهور من العلاج.... عليك بالدعاء

__________________
إستشاري القسطرة و الأشعة التداخلية

فتى السلطنة

دكتور

انا سويت قسطرة الدوالي علشان التحق بوظيفة في العسكرية,,الدكتور في المستشفى العسكري قال لي بعد العملية راجعني بعد 3 اسابيع و دكتور 2 قال بعد شهر علشان نكشف عليك مره 2 ونشوف,

لحين موعد الفحص رح تختفي الدوالي ان شاء الله ؟؟

وهل هناك فرصة في انها ما تختفي لاسباب معينه ؟ مثل لمس الدوالي بكثرة او الحركة وممارسة الرياضة ؟

د الشمرى

اترك الرياضات العنيفة ورفع الاثقال والباقي عادي
ما عندك مشكله ولكن خذ تقرير القسطره معك

__________________
إستشاري القسطرة و الأشعة التداخلية

فتى السلطنة

السلام عليكم دكتور محمد

دكتور

بعد القسطرة

المفروض الدوالي تختفي ولا تخف ولا ايش اللي متوقع يصير بعد القسطرة ؟

هو في أختلاف في الخصية قبل وبعد القسطرة,,وايضا بعد النوم أحس ان في أنكماش للخصية ولا وجود للدوالي لكن مع مرور اليوم يروح الانكماش وتبين الدوالي,,


ابي منك أجابة شافية تريح البال والسموحه منك على كثر الاسئلة

د الشمرى

تختفي من 3 الي 6 شهور بعد الجراحه او القسطره. خذ التقرير معك

__________________
إستشاري القسطرة و الأشعة التداخلية

فتى السلطنة

السلام عليكم ورحمة الله وبركاته

الحمد لله رحت للطبيب وكشف علي وقال لي ما عندك مشكلة الدوالي

الحمد لله والفضل له

وأجتزت الفحص الطبي


كل الشكر لك دكتور على وقتك و تجاوبك معي

ربي يسعدك

فتى السلطنة

مساء الخير

أستفسار بسيط

الدكتور اللي عمل لي القسطرة أتصل بنا وقال تعال الاسبوع القادم علشان تكمل علاج ونسوي لك ليزر !!

أستغربت من كلامه لان بعد القسطرة ما قال لي ان في علاج بعد فتره بالليزر

هو قال بالحرف الواحد * أحنا سوينا لك الحقنه وتعال علشان نكمل العلاج ونسوي لك الليزر *
قلت له
دكتور العسكري قال لي خلاص ما عندك مشكله قال تمام اذا وصكر المكالمه ..

ما ادري بس حسيته كأن مشبه بيني وبين مريض او في شي !

سؤالي دكتور

هل في تكملة للعلاج بالليزر ؟