السلام عليكم
مبارك عليكم العشر الاواخر وماتبقى من الشهر
الاخت ام علي اذا للحين ماسويتيها توكلي على الله وسويها
انا كشف علي الدكتور وقال اني احتاج القسطره بعدها بشهر سويتها في الرياض ولي 5 شهور مسويتها
كنت اشتكي من الآم في الساق خصوصا اذا مشيت مسافات طويله طبعا غير تضخم الاورده وبروزها بشكل ملاحظ
الحمدلله سهله وبتحسييين بفرق كبير
سويت القسطره مدتها كانت ساعه الا ربع مع التعقيم
ماقصر الأخ حذيفه عطانا التفاصيل ..
بعدها مباشره لبسوني الباند وقال لمدة اسبوع خليه،، بعد الاسبوع تنزعينه وقت النوم وتلبسينه الصباح
بتحسين بالم بسيط يهدى مع المسكن والحمدلله مافيه اي اثر للقسطره لدرجة ان مكانها بلاستر الجروح الصغير
القسطره ماتحتاج تنويم بعدها مباشره طلعت امشي للبيت وبالكعب كمان (اعزكم الله)
الحمدلله ارتحت من منظرها وألامها
.
.
.
أشكر الدكتور محمد عسى الله يوفقه لما يحبه ويرضاه
ويسخرله الطيبين من خلقه،، وان يسخره لمرضانا ومرضى المسلمين
أسأل الله أن يعافي مرضانا ومرضى المسلمين ويتم علينا وعليهم لباس الصحه والعافيه
اللهم آآميـــــن