فاتن جناحي

السلام عليكم دكتور ...
حبيت استفسر عن مشكله تواجهني من فتره
عندي اتصال بين الاورده والشرايين وظاهره في كف يدي الايسر ومخليه واحد من اصابعي طويل وفيه انتفاخ
لمن رحت حق دكتور عندنه في البحرين قالي تحتاجين عمليه حق هاي المنطقه عشان نفك الاتصال ..وراح يكون كل شي تمام ومافيه اي خوف ..
طبعا انه احين عمري 19 وهالشي طلع لي يوم كان عمري 9 طبعا خبرني الدكتور ان شي من الولاده بس مختفي ويطلع عقب فتره ..
حبيت اخذ راي دكتور ثاني ورحت حق دكتور ثاني .. قالي بنسويلج قسطره وبنجوف هل اهوه اتصال في هاي المكان بس ولا كذا مكان ..
سويت القسطره واتضح ان عندي وايد اتصالات في يدي اليسار كلها ولمن جاف الدكتور قالي ان عندج اصلا اتصال في كل جسمج من جهه اليسار مما يعني اني ماقدر اسويلج شي بس اذا حابه تسوين العمليه مافيه اي مشكله ..
وانه كنت في غرفتي في المستشفى ياني استشاري ثاني مب الاستشاري الي يتابع حالتي وقالي لاتسوينها لان يدج احتمال يصير لونها اسود ويوقف الدم فيها لان العمليه وايد دقيقه وانتي عندج وايد اتصالات وماراح تفيدج اصلا ..

فكرت اني اروح السعوديه بس لحد الان انه ساكته عن الموضوع مع العلم اني ماقدر استخدم يدي اليسار الا للضروره والاشياء الخفيفه لاني ماقدر اشيل فيها اي شي ثقيل ..

ف شنو تفترح علي هل ايي السعوديه واسوي اشعه واجوف الحل ولا مايحتاج ؟
وشكرا لك ..