ممكن يادكتور ويالاعضاء تشرفون موضوعي
السلام عليكم ورحمه الله وبركاته
ابي اسالك يادكتور
كنا مقررين نخطب لاخوي وعينا على بنت الحلال وتجهيزات ومااالى اخره
لكن تفاجات برفضه بعد فتره قصيره بحكم انه ماجمع دراهم وصدقناه ومشيناها له
ولاحظت انه مره كئيب وحزين ومتضايق قلت يمكن بسبه ضغوط عمل او اسهم خسر فيها او خلاف مع احد
لكن
دخلت غرفته لقيت اوراق وادويه مخبيه تحت سريره والاوراق كلها بالانقلش مافهمت شي
اخدتها وعطيتها زميله لي ممرضه وقالت اخوك عنده دوالي لكن ماندري من اي درجه
والادويه برضو خاصه بالدوالي وكدا
ولقيت له مره محادثه مع صديق له ان مقرر له عمليه بس رفضها لان نسبه نجاحها ضئيل وقاعد يشكي له الحال انه خلاص مابيتزوج واظلمت الدنيا بعينه وانه عقيم ووووو
لهالدرجه يادكتور الدوالي تشكل عائق كبير للزواج مهما كانت درجتها
وانها خطيره حتى على الزوجه بحكم انه جت عنده بالعياده دكتورة نساء وقالت له الدوالي اللي فيك برضوا معديه وخطيره حتى على الزوجه
ماادري يادكتور احترت وش اسوي وكيف اتكلم معه واخليه متفائل وترجع نفسيته زي اول وتتحسن حالته لان اكيد النفسيه لها دور
للمعلوميه له 4 سنوات من جته الدوالي ومن كلامه انه يستمر على المواعيد ومنضبط فيها لكن الفتره الاخيره حطمه الدكتور قال انت ابد ماتحسنت ولافيك ذره تحسن لين خلاه يتحطم وصار يكره يروح المستشفى
وسال الدكتور اقدر اخطب او لا قال له لاتخطب ولاتتزوج خلقه انت وضعك مره صعبه لاحول ولاقوة الا بالله اللهم اجره في مصيبته واخلفله خيرا منها
انا بجلس معاه وبتكلم وبقوله يتوكل على الله ويتزوج لكن بعد اخذ مشورتكم
لان املي بالله كبير ومهما اجمع اطباء العالم بخطوره حالته فالله قادر ان يشفيه ويقلب الحال الى حال وربي قادر يحي العظام وهي رميم انه بحوله وقدرته يشفي اخوي ومرضانا ومرضى المسلمين
الله يرزق كل محروم بالذريه الصالحه يارب يارب
رايك يادكتور ويالاعضاء دخلت استشيركم
الله يسعدكم ويجعلكم يارب من السنه الجايه ماتدخلون على هالموقع الا ببشاره خير ودرزن عيال يارب يارب