د محمد الشمري ارجو الرد جزاك الله الف خيرا
 

السلام عليكم ورحمة الله وبركاته

اخوي د محمد انا عمري 18 سنه وعندي دوالي في الخصية من الدرجه الثالثه في الناحية اليسرى ورحت للمستشفى الحبيب خلف برج العنود في الرياض عند الدكتور نزيه بطرس وفحص وقال عندك دوالي من الدرجه الثالثه وسويت اشعة السونار وتحليل السائل المنوي ومراجعتي معه يوم الاحد وانا خائف وجاني احباط بسبب ردود الكثير في المنتديات بانه يسبب العقم فارجوا المساعده لاني طالب متخرج من الثانوي واريد ان اكمل دراستي بالخارج لاكن الدوالي مسببه لي احباط

ليه مسويه إحباط!!!! الدوالي عند 10% من الشباب ( يعني منت لحالك) وأغلبها لا تسبب أي مشاكل

تتعالج فقط إذا: 1- سببت آلام
2- من عندهم تأخر بالإنجاب

اخوي د محمد انا سمعت منك ومن الكثير انها متسبب الام وكاني لمحت من كلامك اني مااسوي العملية .وعمري 18 هل عمري بالنسبه للدوالي يفيدني ام يضرني وتنصحني اسوي العملية حتى لو كان عدد السائل المنوي ممتاز اسويها وماهي مضاعفات القسطرة يعني اسوى الاحتمالات واسف جدا جدا يادكتور محمد على الإطاله وجزاك الله الف الف خير

دام ما عندك مشاكل منها.... فلا داعي لعلاجها

د. محمد الله يخليك لنا يارب ابشرك طلعت نتيجة السائل 81 مليون 85% متشوهة و15% سليم وعندي الخصية اليسرى دوالي من الدرجة الثالثه واليمنى دوالي بسييييطه جدا ود. نزيه بطرس يقول لازم عملية قلتله ابغى قسطرة قال القسطرة ليست مفيدة لحالتك يقول افضل لك جراحة بسيطة بنج كامل اريد ردك ياغالينا .

القسطرة تغني عن الجراحة
بس أنت لا تحتاج أي علاج وتحليل واحد لا يعني شئ...... روح عيش حياتك وات تفكر بالدوالي

د. محمد مافهمتك الله يخليك فهمني اكثر يعني المطلوب اني اسويها لانها يادكتور كبيييره مره ومضايقتني حتى في المشي وعندي نسبة التشووه كثييره مره ولو اسوي قسطره تروح الدوالي كلها لان كلام د. نزيه يقول القسطره تنفع للي عندهم من الدرجه الاولى او خفيفة ارجوك الافادة الافادة .

د محمد رد الله يعافيك على موضوعي
 

القسطره تغني عن الجراحة في كل حالات الدوالي

إذا تضايقك الدوالي نعالجها لك

صراحة يادكتور محمد الصراحة يمكن انا ماعرفت اوصلك اللي ابيه او انت ماعرفت وش اقصد لذلك اقدر احجز عندك موعد كشف ومنها اعطيك التحاليل تشوفها بعيينك الكريمه ومنها تشوف حالتي وتحدد لي عملية او لا وياليت تدلني على موقعكم عشان اجيك وانا :)من سكان الرياض