|
استفسار عن متى اقوم بالعمليه
السلام عليكم ورحمه الله دكتور بغيت اسال متى يمكنني ان اقوم بالعمليه مع العلم اني لدي الاشعه وتبين اني لدي دوالي بالخصيه اليسار وارغب بالقيام بها في اقرب وقت وشاكر لك تواصلك |
هلا بك
أنا خارج البلاد برجع العمل بعد 10 أيام بإذن الله |
طيب يا دكتور انا طالع ادرس برا السعوديه بعد اسبوعين هل ممكن اني احجز موعد من الحين ولا على الاقل ادري متى يبدى تسجيل المواعيد الجديده عندك الله يوفقك عشان احجز من بدري وارتب السفر بعد العمليه |
السلام.... أنا جاي الجمعة الرياض و طالع الأحد فالسبت ممكن نعملها..... أرسل لي لماذا تريد علاج الدوالي وكم عمرك و تاريخك المرضي
|
السلام عليكم يادكتور
الله يجزاك خير عني وعن كل المرضى انا يادكتور عمري 30 سنه ولي سنتين متزوج ولا جاني عيال ولما فحصت السائل المنوي طلعت عندي الحركه للحيوانات المنويه ضعيفه فرحت فحصت لقيت عندي دوالي بالخصيه اليسرى وعندي الاشعه حقت الالتراساوند وتحاليل السائل المنوي وانشاء الله انا عندك السبت بس اي مستشفى بالضبط لاني كأني قريت انك تسوي العمليه باكثر من مستشفى وشكرا لسرعه تجاوبك يادكتور |
بقسم الاشعة بالسعودي الالماني بالرياض... الساعة 7 مساء ... تكون صايم عن الأكل من بعد الساعة 3.... ممكن شرب الماء.... تحضر الأشعة و التحاليل..... تتكلف 8200 ريال
|
باذن الله يادكتور
يوم السبت قبل الساعه 7 بكون متواجد والمبلغ متوفر والحمد لله واذا مطلوب اي معلومات شخصيه الرجاء تبليغي عنها وطريقه ايصالها وعسى الله يكتب الشفاء على يديك ويجزاك كل خير |
إسأل عن أحمد عاطي بقسم الأشعة يسنعك لا جيت
|
ما قصرت يادكتور والعمليه كانت سهله جدا صحيح كان فيه الام كانه شي يضغط على جنبي بس حمد لله اليوم ثالث يوم بعد العمليه والالم حمد لله خف جدا وعسى الله يرزقني ويرزق الجميع بالذريه الصالحه وشكرا لسرعه تجاوبك معي يادكتور |
| الساعة الآن 06:48 PM. |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd
diamond