تم إجراء القسطرة.. يوم الأحد 17-7-1432هـ
 

السلام عليكم ورحمة الله وبركاته

{ ومن يتوكل على الله فهو حسبه إن الله بالغ أمره قد جعل الله لكل شيء قدرا }.

أخوتي..

تم بفضل الله الاتصال على الاخ سعد الشمري وحجز موعد في يوم الأحد ( قبل امس).

وصلت الرياض في صباح هذا اليوم وكان موعد إجراء القسطرة في الساعه 7.30 م

طبعاً طلعت من الشقة ... وبعد مافرفرت وضعت لي شوي في شوارع الرياض <<< يقول الله يعينهم أهل الرياض ماادري كيف عايشين مع هالزحمة وبعد ماوهقنا الدائري الشرقي مع الشمالي..

وصلت للمستشفى وطلعت لقسم الاشعة وقابلت الدكتور احــمد عاطي..

وخبرني إن الدكتور على وشك الوصول.. وقلت عسى خيرر

دخلوني غرفة الاشعة وانا على السرير.. جالس الممرض ياخذ الضغط ودقات القلب إلا الدكتور محمد وصل.. قلت ايووهـ الحين يقول وين السكين وماادري ايششش ويالله نبداء هههههه <<< الظاهر داخل على مسلخ ^_^..


الشهادة لله:: بشااشة الدكتور وأبتسامته.. وطريقته في الكلام... شيء مريح.. وحديثه معي اثناء أجراء القسطرهـ..


حسسني إني جالس مع الشباب ضحك وسوالف..^_^..


وأحب اقول لكم إن الأمر فعلاً سهل... انا جيت للمستشفى بسيارهـ.. وطلعت للشقه بسيارة وفي صباح اليوم الثاني

رجعت بالطيارهـ <<< مطلع قصيدهـ ... ماقلت لك دكتور محمد إني شاعر ههههههه


فيه ألالام بسيطة في الجنب اللي سويت فيه العملية... لكن ليست بالغة..


وإن شاء الله تكون نتائج القسطره طيبيه ويحصل حمل بإذن الله.. وراح أبشركم وقتها

نسال الله الشفاء والسلامة.. وإن يحقق لنا ولكم المراد.. ويرزقنا وإياكم الذرية الصالحة إن شاء الله إنه القادر على ذلك..

الله يتمم لك اللي فيه كل خير
والله يرزقك الذرية الصالحة ان شاء الله
بس قولي بعد القسطرة كيف احوالك تمشي تروح تسافر
يعني تحس انك مسوي قسطرة فيه آلأم
والا تحس ان الامر عادي وطبيعي ... ومن دكتور المسالك اللي راجعت عنده
(انا ان شاء الله راح اسويها الاحد القادم )
والله يعافيك

اللهم آمين وياك إن شاء الله

الله يشفيك ويشفس جميع المسلمين

انت فيك دوالي من أي درجة ؟

والدوالي باليمين ولا اليسار ولا كلهم ؟

اخي رسم الكلام الله يعطيك العافية وشكرا لك

السلام عليكم

الحمد للة على السلامة واللة يتمم بخير ويرزقك الذرية الصالحة المعافاة

اللهم آمين ومن قال أخوي

الدوالي عندي على حسب كلام المستشفى اللي سويت عنده الاشعه .. من الجهتين

اليسرى من الدرجة الثالثة.. واليمنى الدوالي فيها خفيفه..

====

أثناء إجراء القسطرهـ سالت الدكتورعن الدوالي في الجهه اليسرى من اي درجة.. وقال تقريبا من الدرجة الثانية وماتوصل الثالثة..

وأكتفى بإجراء القسطرهـ للجهه اليسرى فقط.. لأن اليمنى حسب ماذكر الدكتور.. خفيفه وإن شاء الله ماتحتاج علاج


وأجريت العملية على الجهة اليسرى فقط.

تكلفت القسطرة لجهة واحدة فقط ( اليسرى) : 8240 ريال
وفتح ملف : 25 ريال

بالتوفيق المتوكل بالله..

===

أم نايف وعليكم السلام ورحمة الله وبركاته


الله يسلمك من كل شرر إن شاء الله.. اللهم آمين ومن قال إن شاء الله ولجميع الأخوة والأخوات..


والله يكتب اللي فيه الصالح

اخوي خطاك السوء وان شالله نسمع اخبار عنك تبشر بالحمل والنتائج الرائعه

جزاك الله خير الشهم... عندنا وعندك خيررر إن شاء الله

الله كريم ومؤمنين بقضاء الله وقدرته... والله يرزق جميع المحرومين