حايره في امري
 

السلام عليكم دكتور
انا صارلي متزوجه 3 سنوات ولم يحدث حمل ولا مره زوجي عنده ضعف في الحركه اكثر شي توصل 20% الحركه الكليه وشخصوا الدكاتره عنده دوالي في الجهه اليسار وعمل عملية جراحه تقريبا من سنه و8 شهور لكن الدكتور قال ان الدوالي رجعت بعد 3 شهور من العمليه ولا صار اي تحسن في الحركه ابدا وباقي التحليل من عدد وتشوهات في معدلها الطبيعي وايضا الهرمونات في وضعها الطبيعي مالذي تنصح فيه الان؟ لان حايريين بأمرنا ولا بعارفين شنو نسوي

هل تنصحنا بعمل قسطره علما بان الدوالي الراجعه من الدرجه الثانيه

وفي شغله يقولونها الدكاتره ان الحيوانات يتكتلون على بعضهم مع انه مافي لزوجه ماتفسير هذا؟

هل بعد القسطره ممكن ترتفع الحركه؟

كيف نعرف ان هذا الخلل في الحركه وراثي ومايمكن يتحسن؟

اذا الدوالي الراجعة من الدرجة الثنية واكثر ننصح بعلاجها القسطرة

دكتور ...

لو سمحت دكتور القسطره اللي يتابع عنده زوجي قال له بما انك مسوي جراحه من قبل ما اقدر اسوي لك القسطره لان مو متوفر عندنا الا اللفائف المعدنيه وانت محتاج الى الرغوه وقسطرة ضعيفه لان التفرعات الوريديه بتكون كثيره ...
فنا رأيك يادكتور في كلامه وهل مره عليك حالات مثل كذا وهل فعلا تقدر تقفل كل التفرعات الورديه وتزيل الدوالي بدون رجوع؟ اذا تقفلت كل الاورده كيف تتغذى الخصيه؟
لان الدكتور يقول اهي الشي الوحيد اللي مأثر على الحركه وانها ماتعالجت بالجراحه وكم راح تكلفنا عندك قيمة القسطرة الضعيفه والعمليه؟ وهل نقدر نسويها في رمضان؟

ارجو الرد الوافي ولك جزيل الشكر والتقدير

القسطره تتكلف 9600 لجهه و11200 ريال لجهتين
نعم نعمل القسطرة برمضان

يعطيك العافيه دكتور زوجي قرر يسويها عندك في شوال ع خير بس وزنه ثقيل اشوي وحاب ينزله في رمضان تضره الرياضيه السويديه او تزيد درجة الدوالي ولا عادي ماتأثر ؟

انا في شوال مسافر... د المعيقل معنا في عيادات دوالي اكثر من ممتاز

لا بأس من الرياضات الان

طيب دكتور احنا نبيك انت تسويها لانها دوالي راجعه واكيد فيها تفرعات واجد وخايفين ماتضبط و نعيدها اكثر من مره متى راح ترجع من السفر ؟ نحصلك في بداية ذو القعده؟ ونقدر نجي وانت تعيد كل الفحوصات عندك لان تقريبا الاشعه خذت 10 شهور؟

وشنو تنصح يا دكتور ينزل وزنه اشوي ويسويها ولا يسويها اول ومالها علاقه بالسمنه؟

السمنه تؤثر علي الحيوانات المنويه وكذلك التدخين. راجع من الاجازه في شهر اغسطس