دكتور محمد ممكن تجاوب على اسئلتي ....
 

السلام عليكم ورحمة الله وبركاته

يسعد صباحكم / مساءكم

عندي عدة اسئله
وابي الدكتور محمد الشمري يجاوب عليها الله يسعده
ويوفقه في الدنيا والاخره

انا معي دوالي الساقين
وسبق قبل 21 سنه سويت عملية جراحه في القدم اليسرى
ورجعت الان الالام اشد من قبل وكل ماله ويزيد الالم
والحين وصل الدوالي للعانه
واعاني من الالام في الرحم لاتطاااق
ما انام الليل منها

وانا نويت باذن الله اني اسوي العمليه عندك في عيادتك
مع اني خايفه من العمليه والابر والالم
بس استخرت وارتحت وبتوكل على الله

اسئلتي دكتور
1ــ الالام اللي في الرحم عندي هي من الدوالي ؟؟
يعني دوالي الساقين تسبب الالام في الرحم ؟؟

ومعي ثقل والم في رجوالي لاتطاااق وحراره
حتى المشي يتعبني وبس متورمه رجولي
وما اقدر اوقف تزييد الالم فيهم

2ــ اذا سويت العمليه
ورجعت اوقف ساعات متواصله
واشتغل في البيت ياثر على العمليه ؟؟

لانه جاي رمضان
واحاتي هالنقطه
ومافيني ااجل العمليه واصبر لبعد رمضان
تاعبتني رجولي حييل


3 ــ اذا سويت العمليه باذن الله هل يحتاج اسويها اكثر من مره
يعني على دفعتين

وهل اذا احتاج اسويها مره ثانيه اوجزء ثاني مثل ماقريت
ادفع مبلغ العمليه كامل نفس الاول ؟؟
واذا كان ادفع بس جزء كم ادفع ؟؟


4 ـــ انا سويت اشعه قبل 3 شهورلانه كانوا بيسون لي جراحه
واستخرت ورفضت العمليه
لانه تشويه للجسم وتخدير كامل والالام لاتطاق

سؤالي
قالوا لي معك ارتجاع في الاورده
مافهمت وش معنى ارتجاع في الاورده دكتور
وهل ينفع اني اسوي ليزر ومعي ارتجاع في الاورده ؟؟

5 ـــ وزني زايد
عادي اني اسوي العمليه باليزر
يعني تناسب لي ؟؟


6ـــ وش النصايح اللي اسويها بعد العمليه
وتنصحني فيها ؟؟

7ـــ بعد العمليه عادي اسوي رياضه سير او مشي علشان انزل وزني
ولا لازم شهور من العمليه
وكم اظل بعد العمليه واقدر بعدها اني امشي على جهاز السير ؟؟

8 ــ شرحت لك حالتي ويمكن تشخص وضعي من خلال الوصف لدوالي
في وضعي مع الدوالي
بكم تكلف العمليه دكتور ؟؟
ابي بالضبط كم ؟؟
ويحتاج اشعه وتحاليل وبكم ؟ ودخولي للعياده كم يكلف ؟؟

9 ـــ وهل في مجال انه اقدر اسويها عندكم
نهاية هالشهر اوبعد اسبوعين من الان



10 ــ سؤال مهم ومحرج في نفس الوقت
الدوالي اللي معي في العانه والمهبل
كيف يتم ازالتهاا
عن طريق ازالة الاورده من الساق والفخد
او تشال من المهبل والعانه ؟؟
اوشلون تشال من مكانها
وهي في منطقه حساسه ؟؟
وماتثرعلى الانجاب مستقبلا لانها في هالمنطقه ؟؟


11 ـــ اذا سويت العمليه باذن الله
فيه نسبه انها ترجع الدوالي بعد كم سنه نفس قبل ؟؟




12 ــ انا معي ضغط وسكروتضخم بسيط في الكبد
عادي اني اسوي العمليه ؟؟





اتمنى من كل قلبي انك ترد على اسئلتي كلها دكتور محمد
واكون لك شااكرهـ

اخيرا
شكرا لك على المنتدى اللي استفدنا منه الكثيرر
لاني من زمان ابحث عن علاج لدوالي غير الجرااحه
والحمدلله ربي يسرها وانا ابحث شفت منتداكم

وشكرا على رحابة صدرك
وردك على استفسارتنــا وحلمك علينـا

امورك زينة وكل اسئلتك ما اقدر اجاوبها لين اشوفك

نبي منك أشعة صوتية او مغناطيسية للحوض للكشف عن احتقان الحوض ( دوالي الرحم)