أرتفاع ضغط الوريد البابى وتضخم فى الطحال وتليف الكبد ودوالى فى المرئ
 

:o
بسم الله الرحمن الرحيم
انا اعانى منذ طفولتى بأرتفاع فى ضغط الوريد البابى وتضخم فى الطحال وتليف كبدى مما ادى الى دوالى فى المرئ وانا بصراحه لفيت على كل دكتره طنطا ومصر وشبين والمنصورة ومفيش حل نهائى غير علاجات بس وانا دلوقت ماشيه على أندرال لعلاج الضغط بس المشكله انى بدخل المستشفى كل فتره بسبب القئ الدموى المفاجأ بس الحمدلله مفيش استسقاء وانا بصراحه يأست من ده بس مش زهقت لان ده فضل من ربنا عليا والحمدلله بس ياريت الاقى حل لكده وانا قولت اعرض مشكلتى على النت من بعد ما يأست من اللف على الدكتره ومن كتر التحاليل والاشعات وللاسف محدش بيوصل لحاجه وكل واحد علاج شكل بس الاساسى الاندرال وبعمل على طول مناظير لحقن الدوالى أرجو الحل من الدكتور محمد ولو عنده ليا اى مساعده فياريت لانى زى الغريق اللى بيتحاول يتعلق فى اى شئ لان لسه العمر قدامى كبير وطويل وانا عندى امل فى الله انى اكمل حياتى وعندى احلام كتير نفسى احققها بس خايفه العمر ينتهى بيا قبل الاوان بسبب اللى انا فى ده وخوف امى وابى ده اكثر اسباب معيشانى فى حيره أرجو من الدكتور محمد المساعده ولو فى علاج ليا فى انى اسافر انا مستعده للسفر ارجو الرد فى اقرب وقت على ايميلى او تليفونى او اى رد على الموقع ده وجزاك الله كل خير وربنا يزودك من اعمالك الحسنه فى ميزان حسناتك

السلام

يجب أن أرى تقريرك الكامل..
هناك علاج للإرتفاع ضغط الوريد البابى بوضع دعامة بينه و بين وريد الكبد ( tips تبز) بس لازم نعرف تفاصيل الحاله

جزاك الله كل خير
 

اولا انا بشكرك جزيلا على الرد الجميل ده واللى أدانى انا واهلى امل من جديد
ثانيا لو موجود فاكس او أى شئ عشان ابعت لحضرتك تقاريرى * ياريت اى حاجه أوصل لحضرتك بيها لكى تطلع على كل الاشعات والتحاليل والتقارير الازمه والفحوصات للاطلاع عليهم لكى اسعى فى الاجراءات الازمه للوصول لحضرتك وللحل اللى حضرتك عرضه وقولته:rolleyes:



شكرا جزيلا وجزاك الله كل خير

فى رقم بالموقع كلمى عليه أو أرسلى رساله

شكرا جزيلا
 

ألف شكر يادكتور وباذن الله هتصل بحضرتك فى أقرب وقت لكى أبدا فى مرحله العلاج

شكرا جزيلا

انا مش عرفه اوصل
 

انا بطلب حضرتك يادكتور على رقم موجود فى الموقع وهو 0500313821
بيرد عليا ويقول الرقم الذى طلبته غير موجود بالخدمه وغلبت اتصال بليل والصبح اريد الحل يادكتور:confused:
انا من مصر من طنطا وبطلب الرقم على طول بدون اى مفتاح ارجو الرد فى اقرب وقت

وشكرا

تحياتى
 

انا عاجزة عن الشكر يادكتور وسوف اطلبك فى اقرب لكى يجعل الايام الاتيه أحلى من الايام السابقه;)


( الهى انت تعلم كيف حالى فهل ياسيدى فرج قريب )؟؟!

سؤال يادكتور
 

انا كشفت هنا عندنا فى طنطا وكشفت فى شبين الكوم وفى بسيون والكل اجمع على انى اعمل منظار الاول وبعدها نعمل عمليه tips لان شيل الطحال وان هما يربطو الدوالى ويربطو هيكون فيها شويه اضرار ممكن يدخل ميكروب او اى حاجه


ياريت يادكتور تفيدنى هل ال tips احسن ولا شيل الطحال وربط الدوالى وخلصت على كدة

لاحظ يادكتور ان عندى تضحم ف الطحال وانى عندى الطحال بيكسر كرات الدم عندى عشان كده بحتاج لنقل دم على طول وعندى انيميا

أعتقد ال( Tips التتبز )هو خيارك الأفضل لتكرر النزيف رغم المناظير لأنها حتخفف الضغط بالبوريد البابي وبالتالى يقل تضخم الطحال. إنتى تحتاجين الطحال فيما ىلو عملت زراعة كبد وهو خيار مستقبلي.

سمعت انه يوجد مركز للكبد بمصر بالمنوفية يعمل التبز بكثرة ولديهم خبرة ممتازة