|
مستعد اسافر للسعوديه من اجل العلاج الرجاء الرد يادكتور :(
السلام عليكم دكتور يعطيك العافيه وعساك ع القوه دووم انا محمد من الامارات عمري 26 سنه غير متزوج عندي دوالي من الدرجه الاولى ونقص في الحيوانات المنويه 10 مليون راجعت امس الدكتور خالد عثمان في مستشفى السلامه وبعد ماسويت التصوير والفحوصات قال انه لازم ابدى بعلاج عن طريق الادويه لمده 3 شهور متواصله وعقب بيشوف اذا فيه تحسن او لآ (Speman / Trental 400 / Proviron / L-Carnitine / Dry E-400 ) الحين انا سمعت من ربعي انه مب زين استعمل الادويه طول هالمده لانها ادويه كيماويه وقويه ويمكن اتأثر ع الخصيه في الزمن البعيد يعني مابقدر استغى عنها بعدين !! هل هالكلام صحيح يا دكتور ؟؟ وانا حاب اعرف عن هالادويه اللي كتبها لي الدكتور وبصراحه لين الحين ما بديت فيهم لانه متخوف منهم وكنت حاب اسوي العمليه مره وحده بدل ما اروح كل 3 شهور رايح راد عند الدكتور يكتب ادويه جديده او يغير فيهم واقعد انا في معاناه :( وانا بعد ماسويت بحث في النت وشفت منتداك حبيت اني اجي عندك وتفحصني واخذ بنصيحتك انت يادكتور ولا شو رايك ؟؟ اتمنى اترد علي باسرع وقت لاني مستعد اسوي موعد وياك واجي الرياض بس ابي العلاج الشافي , والله الشافي بأذنه والسلام عليكم والرحمه بوعبدالله - أبوظبي |
أهلا بك وبأهل الإمارات الكرام
أنا ما أنصح بعلاج الدوالي أو حتي فحص السائل المنوي قبل الزواج..... لأنه لا يعني الكثير وعادة تضبط الأمور بعد الزواج |
شكرا ع الرد يادكتور
بس انا فحصت عشان الدوام والدكتور خبرني انه انا عندي دوالي ولازم اخذ العلاج. طيب شو تنصح يادكتور اخذ الحبوب او اطنش الموضوع ولو طنشت الموضوع مابيصير فيني شي في المستقبل اذا تزوجت؟؟ وشو الفرق لو كنت متزوج او لا وليش ماتفضل العلاج قبل الزواج ؟؟ ياريت لو تشرح لي واطمني يادكتور وسامحني ع الاطاله وجزاكم الله خير |
الدوالي عند 10 ٪ من الذكور وأغلبها لا تسبب مشاكل ابدا.... والفحص قبل الزواج لا يعني الكثير
نصيحتي انسي الدوالي وعش حياتك فأنت شاب طبيعي 100٪ وساهم بنشر الموقع |
| الساعة الآن 10:20 PM. |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd
diamond