ممكن يادكتور ويالاعضاء تشرفون موضوعي
 

السلام عليكم ورحمه الله وبركاته

ابي اسالك يادكتور

كنا مقررين نخطب لاخوي وعينا على بنت الحلال وتجهيزات ومااالى اخره

لكن تفاجات برفضه بعد فتره قصيره بحكم انه ماجمع دراهم وصدقناه ومشيناها له

ولاحظت انه مره كئيب وحزين ومتضايق قلت يمكن بسبه ضغوط عمل او اسهم خسر فيها او خلاف مع احد

لكن

دخلت غرفته لقيت اوراق وادويه مخبيه تحت سريره والاوراق كلها بالانقلش مافهمت شي

اخدتها وعطيتها زميله لي ممرضه وقالت اخوك عنده دوالي لكن ماندري من اي درجه

والادويه برضو خاصه بالدوالي وكدا

ولقيت له مره محادثه مع صديق له ان مقرر له عمليه بس رفضها لان نسبه نجاحها ضئيل وقاعد يشكي له الحال انه خلاص مابيتزوج واظلمت الدنيا بعينه وانه عقيم ووووو

لهالدرجه يادكتور الدوالي تشكل عائق كبير للزواج مهما كانت درجتها

وانها خطيره حتى على الزوجه بحكم انه جت عنده بالعياده دكتورة نساء وقالت له الدوالي اللي فيك برضوا معديه وخطيره حتى على الزوجه

ماادري يادكتور احترت وش اسوي وكيف اتكلم معه واخليه متفائل وترجع نفسيته زي اول وتتحسن حالته لان اكيد النفسيه لها دور

للمعلوميه له 4 سنوات من جته الدوالي ومن كلامه انه يستمر على المواعيد ومنضبط فيها لكن الفتره الاخيره حطمه الدكتور قال انت ابد ماتحسنت ولافيك ذره تحسن لين خلاه يتحطم وصار يكره يروح المستشفى

وسال الدكتور اقدر اخطب او لا قال له لاتخطب ولاتتزوج خلقه انت وضعك مره صعبه لاحول ولاقوة الا بالله اللهم اجره في مصيبته واخلفله خيرا منها

انا بجلس معاه وبتكلم وبقوله يتوكل على الله ويتزوج لكن بعد اخذ مشورتكم

لان املي بالله كبير ومهما اجمع اطباء العالم بخطوره حالته فالله قادر ان يشفيه ويقلب الحال الى حال وربي قادر يحي العظام وهي رميم انه بحوله وقدرته يشفي اخوي ومرضانا ومرضى المسلمين

الله يرزق كل محروم بالذريه الصالحه يارب يارب

رايك يادكتور ويالاعضاء دخلت استشيركم

الله يسعدكم ويجعلكم يارب من السنه الجايه ماتدخلون على هالموقع الا ببشاره خير ودرزن عيال يارب يارب:o

هلا إختي..... هل ممكن ترسلين الأوراق لنا بالبريد

اختي لااحد يستطيع الحكم على وضع اخوك الا بعد معرفة نتيجة التحاليل وكم العدد والحركه ودرجة الدوالي

ان شاء الله يادكتور احاول ارسلها لك باقرب فرصه

ابوساره انا ابي رائيكم بشكل عام بغض النظر عن العدد والحركه ودرجته

لكن الله يشفيه يارب وياكم وجميع المسلمين

انا احد الأشخاص المصابين بها وعمري 24 سنه.

انا تفاجأت بدوالي الخصية فجأة ولي موضوع هنا ، جاتني اللام غريبه ورحت للدكتور عندنا في مستشفى الملك فهد الحكومي بجدة المدني .

قال عندك دوالي في الخصية اليسرى من الدرجة الثالثة وايضا اليمنى في نفس الوقت ولكن اليمنى من الدرجة الأولى لكن اليمنى مافيها اللام نهائيا (( الدكتور قالي نعمل لك في الجهتين احسن عشان ماتجينا بعد فتره ثم تقول نسوي في الجهة الثانية )) فمره وحده ونصحني فيها . (( انا مشيت مع كلامه بحكم انه استشاري وذ خبرة )).

ومقدر لي العملية في هذا الشهر او بداية شهر 4 القادم ، العملية في مجملها بسيطه على حسب ماقريت ومن كثر الحالات النفسية الى صابتني من بعد ما سمعت عن الدوالي. جلست افتح صفحات كثيره واقرى عن كل شئ حتى صابني احباط جداا واتابع المواضيع... إلخ )) لكن قريت انها بسيطة العملية تعمل يوميا وهي عملية بسيطة جدا والخروج في نفس اليوم . اذا كانت جراحية بعد العملية يجب على المريض يرتاح ثلاثة ايام بدون جماع و البعد عن المجهود البدني.

طبعا انا اتكلم عن العملية الجراحية : الدكتور نصحني بعمل العملية لأنها قد تؤثر بعد عدة اشهر على الخصية وتعمل ضمور في الخصية وهنا تبدأ المعاناه الحقيقيه ..

وسمعت ايضا ان القسطرة افضل من الجراحة على حسب كلام الدكتور الشمري هنا . (( لكن لأني طالب وغيرها من الظروف الصعبة عندي ماتسمح لي بدفع فلوس للقسطرة واكتفيت بعملها جراحيا تحت يد استشاري.

فاستخرت الله وارتحت لعملها اني افعها افضل ، وان شاء الله راح اعملها وافيدكم بتجاربي والله المستعان .

وطمني اخوك ماله داعي يقلق ، لأن الصحة النفسية هي الى تدهور الحاله فعلا.

وفي موضوعك هنا انا خائف من شئ واحد سمعته واتمنى الدكتور الشمري يرد على استفساري هذا لأني ضيعت موضوعي الى سويته هنا بعد اذنك اختي .


سؤالي : هو سمعت من بعض الناس ان بعض الدكاتره يخطؤن في ربط الشريان الخصوي بدال الأوردة المتدليه لصعوبة التمييز بينهما ، مما يؤدي إلى العقم وضمور الخصية مباشرة.
هذا الشئ الوحيد الى خلاني اتردد فترة بسيطة عن العملية.


اتمنى الدكتور الشمري يرد على استفساري ماهو نسبة الخطأ في ربط الشريان الوريدي للخصية بين الأطباء .
وهل هي واضحه او ان الدكتور من السهل عليه التمييز بينهما او لا . خصوصا ان الدكتور الي راح يعمل العملية لي استشاري.


والسلام .

رديت عليك بموضوعك الأصلي