|
امي والدوالي
السلام عليكم .. شلونك ما احب اطولها عليكم انا بدخل بالموضوع على طول امي كان فيها دوالي برجولها الثنتين وكانت ماتشتكي منهم لكن لما كبرت ألحين وصار فيهم ألم شديد ما تستحمله المسكينه راحت تراجع عند كذا دكتور لكن كانو يماطلون ويعطونها بس مسكنات بعد فتره ورمو رجولها وصار لون الورم احمر ..ما اخبي عليكم من شدة حبي لها وخوفي عليها دشيت النت ادور عن الدوالي وشفت موقع الدكتور محمد وقريت بالنتدى وبحثت عن الدوالي كأني صرت دكتوره بالدوالي من كثر ما بحثت فيه .. المهم عرفت انه هذا الورم التهاب بالدوالي وممكن يتحول جلطه اهني قلبي كان بيوقف من شدة خوفي على امي الغاليه فقمت احن عليها واصر انها تسوي العمليه لدرجة اني اترجها ترجي لين وافقت لكن شرطها كان انها تبي دكتور ثقه من كثر خوفها من دكاترة هالوقت .. فقلت خلاص مافي إلا الدكتور محمد الشمري وبما ان احنا بالكويت قعدنا قتره ننطر زيارته واول ما وصل بالسلامه خذيتلها موعد وسوت العمليه الحمدالله ألحين صارلها هذا ثالث اسبوع بعد العمليه اكيد طبعا عانت شويه بعد العمليه من ضغط الجورب والحكه البسيطه وألم خفيف لكنها ألحين احسن وايد والحمدالله وانشالله بالزياره اليايه للدكتور هم آخذ لها موعد عشان يشوفها الدكتور ويطمني عليها حبيت انقل لكم تجربة امي مع الدوالي كتشجيع لكم عشان لا تحافون العمليه جدا بسيطه وسهله والله يشافي الكل انشالله ويخلي امي لي وامهاتكم لكم |
ماتوف شر الوالده انشاء الله
حبيت سال جم عمرها الوالده؟ وشنو وضعها اول ماسوت العمليه هل كانت تمشي على طول والا لا؟ وهل عانت من الالام؟ وتورم الساق اقصد العروق اللي ناطه هل راحت والا موجوده؟ ومشكوره |
اقتباس:
الشر ماييج تسلمين الوالده عمرها 50 والعمر كله لها انشالله وفعلا بعد العمليه بنص ساعه قامت تمشي على طول وفي ألم لكنه خفيف جدا وعطاها الدكتور مسكن والحمدالله بعد يومين راح الألم بالنسبه للعروق خفت بنسبه كبيره وقال لنا الدكتور اللي راح يبقى نراجعه المره اليايه عشان يعطيها ابر خفيفه مجرد تجميل والعفو حياج |
| الساعة الآن 06:09 PM. |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd
diamond