هذي قصتي مع العمليه!!!!
 

السلام عليكم مساء اوصباحكم خير يا اهل الخير

طبعا ما اطول عليكم واسف على التاخير بس بسبب بعض الظروف العميه كانت يتاريخ 12-7الثلااثاء اللي فات

وصلت من الشرقيه في نفس يوم العمليه بسيارتي على المغرب تقريبا دخلت المستشفى

على العموم وصلت قسم الاشعه سالت عن احمد عاطي على طول جاني وقال انتظر الدكتور على وشك وصول

قبل 2 وانت الثالث بالفعل انتظرت وصليت المغرب والعشاء جمع وقصر وبعدها جلست انتظر اعتقد قبل شخص

عماني من سلطة عمان والاخر اعتقد من القصيم على العومو تاخرت شويه يمكن دخلت على الساعه 9ونص

حصلت طبيب في غاية الاخلاق وخفة الدم والتعامل الراقي يعني بصراحه ارتحت من اول نظره هههههههه

بدا العمليه كنت متوتر نوعا ما وضغطي يرتفع شويات مع العلم اسلوبه راقي وشيق تصدقون بدا وكانه لم يبدا

يعني مافيه اي الم وله الحمد كانه والله ابرة عضل لاتحس فيها تقريبا جلست فتره بسبب الجهاز كان يعلق وخلال

الفتره كان الطبيب الرائع في غاية دماثة الاخلاق رغم الارهاق والتعب بس بصراحه شخص غير عادي ماصدقت قال

ترى خلصنا الجهتين والله العظيم ماحسيت اي الم سوى شي لايذكر ابد وبعدها طلعت وان مثلما دخلت وله الحمد

والمنه طبعا الطاقم كان معاه الفني احمد عاطي وممرضه هنديه واخر فلبيني طلعت ريحت في شقه وكان بامكاني

امشي بس كنت مسوي موعد مع الدكتور سعيد قطان وبالفعل ذهبت الصبح واعطاني منشطات اجلسه عليها 3شهور

وان شالله اوفيكم بكل علم زين زلاتنسونا من الدعاء ولاتنسوو دكتورنا الغالي محمد الشمري ولد الطنايا

اسال الله انه لايحرمه الاجر والثواب وشكر خاصه له ولجميع طاقمه

اللحمد الله على السلامه

ا لحمد لله على السلامه 00انا اخوك من القصيم كنت معك ذاك اليوم بس انا رجعون لانهم كانوا مزحومين والوقت تاخر بس رجعتلهم الاحد وسويته والله يرزقنا وياك باذريه الصالحه :rolleyes:والف شكر للدكتور الشمري

الحمد لله على السلامة والله يوفق إن شاء الله ويكتب لك ولنا ولجميع الاخوة الذرية الصالحة

الحمد لله على السلامة يالشهم
وشهي المنشطات
وكيف الحجز عند د /قطان
وقدامك العافية ان شاء الله

اخواني الف شكر على المرور العطروجزكم الله الف خير

من ناحية المنشطات اللي صرفها الدكتور سعيد في مستشفى الحبيب وهو اسشتاري مسالك

على قدر كبير من المهنيه والاخلاق العاليه حاولت اسوي معاه وعد عن طريق التلفون بعد العمليه ماقدرت

مع العلم قبلها باسبوع كنت عنده وهو اللي اكتشف الدوالي الموعيد صعبه شوي عنده بس رحت ثاني يوم العمليه

ورحت العياده بالدور الخامس طبعا موقع المستشفى شارع الملك فهد نفس السعودي الالماني حول الصندوق الاسود

وحاولت مع الاستقبال وكلمو الدكتور وافق ادخل عليه من حسن حظي وتوفيق من رب العالمين على العموم حاول

تسوي موعد قبل العمليه على ثاني يوم وهذ الرقم حق المواعيد4622224

المنشاطات تاخذ مرتين باليوم في الصباح والمساء ويفضل قبل الاكل

1-بروكسيد وهو منتج امريكي يحل في كاس ماء وكل يوم كسين واحد الصباح والثاني في الليل ويفضل قبل الاكل سعره غالي شويه375ريال يكفي 15 يوم فقط وتقدر تستخدمه بدون وصفه بس الافضل عن طريق طبيب

http://www.up.qatarw.com/get-3-2010-gqqzkupd.jpg

2-nolvadex هومنشط اعتقد للحركه وسعره 48فيه ثلاثه اشرطه حبتين بالصباح والمساء

3- وهذا من شركة ارمال طبيعي يعتر وهو فتامين سعره 100 ريال ويكفي ثلاثه شهور كل يوم حبه

اتمنى لكم التوفيق جميعا مع اسفي عن التاخير في الرد

ياليت تحط الصور
العلاج الثالث وش اسمه اللي من شركة ارمال
والله يرزقك بالذرية الصالحة

ايه صحيح العلاج الثالث وش اسمه بالضبط00 وش رايك بتستخدم عسل والا ماينفع مع العلاج :rolleyes:

هلا اخواني

هذا العلاج اللي من ارمال ويستخدم مره باليوم وعادة توجد في المولات الكبيره مثل جده6606686 وتجده في عدة فروع بجده
ابها 2254746
عنيزه3630304
تبوك426234
وتوجد في الشرقيه والرياض بكثره وايضا حائل خميس مشيط بريده مكه

http://a1468.g.akamai.net/f/1468/580.../84145/100.jpgالصوره نفس الاسم وسعره 100 ريال


من ناحية العسل ممتاز ولكن لاافضله مع العلاجات لانه يتعارض مع بعض الاوديه ويمكن ينجح مع شخص ولاينجح مع اخر

أتمنى المشاركة بالرد جزيتم خيرا أخي سليمان وأخي الشهم
 

أخي الشهم وأخي سليمان من بريدة أرجو افادتي بالرد أنا أعاني من الدوالي من فترة ومتررد من ناحية العملية ومن البحث لقيت موقع الدكتور محمد وفرحت والي الان متردد وسالت الدكتور وطمنني لاكني اسمع كلام من الدكاترة ان الدوالي لا تنفع الا عملية جراحية لاكن الدكتور محمد قال عادي ويم امس اتكلم مع واحد عن عملية القسطرة قال لي ابعد عنها لانها تسبب مشاكل في الكلى ويقول انها سببت له فتاق خوفني الصراحة وترددت اكثر وش رايكم تكفون لانكم مجربين وسمعتم وقابلتم ناس الله يرضى عليكم لاني اعيش والله قلق نفسي


أخوكم ومحبكم
وهلف يمكن التواصل معكم للتفاهم اكثر

فتاق !!!!!!!!!؟؟ اخوي مستحيل يصير من القسطره لانه لا توجد علاقه لا من قريب ولا من بعيد بين الفتاق والقسطره وان كان علاقه فالعلاقه اقرب بين الشق الجراحي والفتاق. صدقوني يا اخوان انا دارس كثير بهالمجال
بس الله المستعان

أخي الكريم دلعب مشكور على الرد جزاك الله خيرا
بس تعرف الواحد لازم يسأل ويتأكد من المجربين للعملية وبعض الناس ينصحك بشي ويخاف بعض الاحيان من مشاكل الناس
والآثار الجانبية وانا استغربت من الرجال اللي قالي هذا الكلام قصدي ( مشاكل الكلى - فتاق )

جزاك الله خيرا ما شاء الله عليك انت تقول درست هذا الشي
الله يدبر اللي فيه الخير ويكتب اللي فيه الخير

هلا اخوي ابو عباده وانت غير ملام على سؤالك بالعكس يجب انه الانسان يسال جيدا قبل الاقبال على امر يخص صحته ولكن اللوم على من يفتي بما لا يدري !!!

أخي الكريم أبو عون المشرف
شكرا جزيلا على ردك الله يجزاك خير
جميل أن يجد الانسان من اخوانه التعاون والنصيحة وابداء النصح والتسديد
ونفع الغير بقدر المستطاع
فشكرا جزيلا

اهلا وسهلا بالجميع ويشرفني دخولكم موضوعي والاستفسار عن اي شي واعتبروني اخوكم الاصغر علشان ما اكبر نفسي هههه

بصراحه واقولها وليس فيه اي مجامله والله لم احس باي عرض او مرض بسبب العمليه بالعكس وله الحمد والشكر فتقريبا بعد ثلاثه

اشهر النتائج في تحسن والحمدلله على كل شي وانشالله بعد تكملة الكورس العلاجي سوف اعطيكم النتائج كامله مع العلم اني للاسف

غير منتظم في العلاج واتمنى للجميع التوفيق والسداد ويكون الايمان بالله قوي وعليكم بالاستغفار والصدقه وكفالة اليتم فانها والله من

اكبر اسبب العلاج ودمتم في عافيه وصحه

ملاجظه الدكتور محمد بصراحه قمة في كل شي بارك فيه ونفع به المسليمين والله يشرفنى يكون سعودي وكثر الله من امثاله

اخوي ابو عباده او اي احد من الاخوان اي استفسار انا مستعد سواء على الخاص او الايميل تقبل تحياتي واحترام

الحمد الله على السلامه والله يطعمك الذريه الصالحه

اخوي انت مسوي العمليه في سنة كم

وش النتايج يالغلا الله يرزقنا ويرزقك والف شكر لدكتور الشمري