|
الدكتور محمد الشمري تعال ابيك كلمت رأس ..
بسم الله الرحمن الرحيم السلام عليكم ورحمة الله وبركاته اعذروني بتكلم بلهجتي العامية يادكتور محمد الشمري بيض الله وجهك والله يوفقك دنيا واخره انا سويت عملية قسطره دوالي الخصية بصراحة عملية بسيطه جدا لدرجة اني اسولف انا والدكتور ونمزح في الكلام اثناء العملية واسمحلي يادكتور ابدي اعجابي بمجهودك واخلاقك الاكثر من رائعة . يادكتور ابغى دكتور بديل عن الدكتور سعيد قطان لان بصراحة عليه زحمه شوي لاني حجزت موعد وطلع بعد شهرين وانا بستغل الوقت هذا في اخذ الادوية المناسبه لي . سؤال هل تنصح بلبس معين مثل الملابس القطنية وهل امتنع عن حمل الاشياء الثقيلة مثلا ؟ دعواتكم لي بأن الله يرزقني والمسلمين اجمعين الذرية الصالحة . همسة : عشاني نصراوي تسوي العملية بدون بنج :) << هذا بعض المزح اللي بيني وبين الدكتور |
هلا أخي السهلي...... آمل عقب علاج الدوالى تتحول هلالي !!
لا داعى للبس أي شئ معين أو الإمتناع عن حمل اشياء ثقيلة بالحياة العادية.... ننصح بعدم ممارسة رياضة حمل الأثقال أو تمارين شد البطن السويدية أكثر الدكاترة خريجى كندا وأمريكا جيدين..... هناك د داني رباح بالحبيب و د محمد العمر بدلة |
يا اخ نصراوي انا انصحك بزيارة د سعيد قطان حتى لوكان انتظار مرة مرتين وراح في النهاية تدخل عليه في اقل من اسبوع
انا اجريت القسطرة واتجهت اليه والحمد لله فيه تحسن اتمنى لك الذريه لك وللمسلمين |
الحمدلله على السلامه وماتشوف شروربي يرزقك بالذريه الصالحه وعسى ربي مايخيب لك امل ومثلك يستاهل الخير وكل الخير ويارب يوفق الدكتور ويسلم يدينه وينوله الي بباله
|
عفوا
أكثر الدكاترة خريجى كندا وأمريكا جيدين..... هناك د داني رباح بالحبيب و د محمد العمر بدلة وين يادكتور محمد الدكاترة الاقيهم |
د داني رباح يعمل بمركز الحبيب
و د محمد العمر يعمل بمستشفي دلة |
في القصيم والا الرياض
|
على كل حال الله يوفقك يادكتور وماقصرت
|
اختي حلا الله يوفقك ويجزاك خير
|
اخوي الحربي الله يبيض وجهك وعلى نصيحتك الغيت موعدي عند داني رباح وبقيت على موعد سعيد قطان
والله يكتب اللي فيه الخير يارب |
اخوي المتوكل بالله اللي ذكرهم الدكتور في الرياض الله يعافيك
والله يرزقنا ويرزق المسلمين الذرية الصالحة |
اخ نصراوي اشكرك
د/ سعيد يعمل في مستشفى عام واللى خاص ما اسم المستشفى هل اقدر احجز عنده تليفونيا ويعطيك الله الصحة |
اخوي المتوكل بالله
د/ سعيد قطان في مستشفى الحبيب في الرياض على طريق الملك فهد تقدر تحجز موعد بالتليفون بس لازم يكون عندك ملف وهذا تليفون المستشفى استفسر منهم ويفيدونك 4622224 /01 والله يوفقنا وياك |
اخ نصراوي
اشكرك على تعاونكم معنا والله يوفقك وين ما رحت وين ما جيت |
عفوا اخ نصراوي
بالنسبة للي خارج الرياض (من الغربية ) كيف يكون الحجز مع الدكتور مواعيد طويلة مثلا يعني اقدر بعد ما اعمل القسطرة عند الدكتور الشمري اروح لدكتور سعيد مباشرة والا (روح وتعال ) يعني متعاون مع الذين ياتون من اماكن بعيد وجزاك الله خيرا |
المواعيد وحده اخوي المتوكل
يعني من داخل الرياض او خارجها احجز موعد وبعد شهرين تقابل الدكتور ولو انك جاي من الصين لازم تحجز موعد عشان تقابل الدكتور والله يوفقنا وياك |
الدكتور محمد الشمري
* بعد مرور اسبوع من العملية صار حول مكان القسطره بقعه زرقاء وش تفسيرها ؟ * وهل تنصحني بخلطة العسل ؟ تمنياتي لك بالتوفيق |
لا أنصح بأي خلطات..... وعموما العسل فيه غش كثير للأسف فى بلادنا
البقعة فى الذراع هو مكان دخول الوريد وهى كدمة صغيرة وتزول بإذن الله |
| الساعة الآن 10:35 AM. |
Powered by vBulletin® Version 3.8.5
Copyright ©2000 - 2026, Jelsoft Enterprises Ltd
diamond