قررت اكتب يومياتي مع الدوالي
 

السلام عليكم ورحمة الله وبركاته وبعد
حكايتي مع الدوالي لها عشر سنوات من البحث عن العلاج المناسب والناجح والسبب الحقيقي لبحثي عن العلاج هو شكلها أكثر من ألمها
حاولت أعالجها بالخل التفاح والمساج العلاجي الجوارب وعن طريق التغذيه العلاجيه التي تساعد على تقوية جدران الاوعيه الدمويه
والحقيقه اني أني قررت أكتب يوميات علاج من الدوالي مع اني لسى ماخلصت العلاج وتوني باديه بس قررت اني انشر افادتي لاني المواضيع اللي تكتب عن الدوالي قليله وتكتب بشكل نظري بدون تجارب
بدايه علاجي للدوالي كانت عند البحث عن العلاج وعرفنا الدكتور محمد الشمري وأقولها من قلبي الله يبارك له في علمه وذريته ورزقه بعد بحث طويل عرفت رقمه وكنت ناويه اروح له الرياض ولكنه نصحني اروح للدكتور ماجد عاشور بجده وطمني وجاوبني على كل اسلئتي بروح طيبه ومتفائله وبعد سنه كامله من التردد والبحث روحت للدكتور ماجدعاشور في عيادته وكان بنفس الروح الطيبه وشرح حالتي وعمل الاشعه وكان طويل البال جدا مع أسلتي التي لاتنتهي وقرر لي عمليه القسطره بالرجل اليمنى والحقن بالرجل اليسرى تعمل بالعيادة و أخبرني أنه يوجد لدي دوالي بالحوض ولكنها لاتعالج الا بالمستشفى وبعد شهرين من التفكير والخوف اللي ماكان له داعي بس فعلا الانسان عدو مايجهل ذهبت له اليوم الخميس 9-2-1432ه- ووالله اني كنت ارتجف فوق السرير من الخوف والدكتور الله يعطيه العافيه وكمان الممرضه ماقصرت كانوا يطمنوني ويشرحون وباله مره طويل ويشرح لي وصادق معي الى ابعد الحدودوأخذت العمليه 45دقيقه وخرجت مافيني الا العافيه أأعطاني بنادول ومورفين والصدق اني ماأحتجت المرفين لان الالم محتمل نصحني بالراحه لمد أسبوعين وللحديث بقيه .................

أهلا بك وأرجو من الأعضاء التفاعل مع موضوعك لما فيه الفائدة للكل

الدكتور ماجد عاشور ممتاز و من الكفاءات النادرة بالبلد

كلنا بإنتظارك


بالتوفيق ان شاء الله

مساءءءءءءءءءءء الخيرات ............
اليوم مر على عمليه القسطره أسبوع كامل وأحس بشد وألم في منطقة القسطره لاأعلم السبب هل هو توقف المسكنات أم الاعمال المنزليه حيث بدأت مباشرتها بعد يومين من العمليه وهناك ألوان عجيبه غريبه على الجلد سؤؤؤؤؤالي للكتور الكريم هل هذه الالوان وهذا الالم طبيعي؟

الله يشفيك و يعافيك يارب

متابعين

شافاك الله وعافاك يا جواهر والله اني اعاني منها بالمررررررررررررة والنفسية دمااار

السلام عليكم الدكتور ماجد عاشور يعمل عملية الدوالي للخصيه بالقسطره افيدوني الله يعطيكم العافيه

نعم وهو ممتاز

مساء الخيرات
اليوم الموافق25-3-1432ه رحت وسويت الحقن التجميليه لباقي الدوالي والدكتور الله يبارك فيه قال ماراح تحسي باي شئئ ماعدا خزت الابره وفعلا كل كلامه صح ونصيحتي يابنات لاتتركوا هاجس الخوف والقلق يصعب حياتكم علاج الدوالي سهل ولكن يحتاج الى الاستعجال في علاجها حتى لاتزيد
ونصيحه مني احنا كثير قدمنا لاسرنا وأطفالنا الكثير والتعب والجهدالذي تراكم في أجسادنا ومن أثار التعب الدوالي التي تراكمت في أجسادنا من وقفة المطابخ والحمل والولاده ومحاولة ارضاء الجميع فماهو حرام اني اهتم في نفسي او أعطيها حقها
سوري أنا خرجت من الموضوع بس هذي نصيحتي
نسيت أقولكم العلاج بالحقن كل اسبوع حقنه وقال الدكتور انها تخلف بقع بنفسجيه تستمر ايام وأنا راح اقولكم الايام الجايه وش صار معي

نسيت أقولكم الشراب الطبي لازم ألبسه بعد العمليه خمسه اسابيع وبعد كل حقنه خمسه أيام

ارجوالرد
 

أخت جواهر بارك الله فيك الدكتور عاشور في أي مستشفى بجدة وكم تكلفة العملية لأن الوالدة تعاني من نفس مشكلتك
وشكرا لك

هذا رقم الدكتور ماجد 0545727722
وتكلفه العمليه القسطره8000ريال
والحقن600ريال
في البدايه تكيثرت المبلغ لكن والله مافي زي الصحه

ألف شكر عالرد ...
 

ألف تريليون شكر لك أخت جواهر على الرد بس ياليت توضحي لي طريقة الحجز أمس مسوي للوالدة حجامة في الساق وخف الألم عنها وتوضحي لي طريقة اجراء العملية .

ولك دعوة بظهر الغيب

طريقه اجراء العمليه البنج موضعي في الساق ثم ادخال قسطره من الركبه الى اعلى الفخذ ثم تبدأعمليه الكي العمليه تأخذ نصف ساعه فقط وخرجت سيرا على الاقدام والالم خفيف يحتمل والمسكنات احتجتها فقط ثلاث ايام

الحمد لله على السلامه
وقدامك العافيه ياجوجو