عاجل جدا ارجو الرد بسرعه
 

السلام عليكم
دكتور انا فيه الياف وايد والحين بيسفروني امريكا ابى اعرف اي مستشفى شاطر في امريكا لعلاج الالياف بدون ما يشلون الرحم

انصح بالدكتورة الشهيره في هذا المجال الدكتوره آن روبرتز بمستشفي سان دييغو وهي ايضا مدينه خلابه
هذة معلوماتها
http://doctors.ucsd.edu/Mobile/Details/11696

واضغطي علي contact فيه رقم عيادتها

شكرا دكتور
سؤال هم قالو في منطقة فرجينيا مستشفى زين حق الالياف وواشنطن دي سي تعرف مستشفى شاطر في علاج الالياف في هالمنطقتين واسمحلنا عالازعاج

نعم د جميس سبيز بمستشفي جورج تاون وهو من عالج كونداليزا رايس وهذا رابطه
http://georgetownuniversityhospital....etail&ref=2983

مشكور دكتور ويزاك الله خير

آهلا بك.... وإسمه د جيمس سبيز

وشاركينا تجربتك من آمريكا

السلام عليكم دكتور محمد عطوني موعد في مستشفى
Brigham_and_Women's_Hospital في بوسطن هل لديك اي معلومه عن هذا المستشفى ومدى شطارة الدكاتره في علاج الياف الرحم ..
*انتظر الرد

انا درست في بوسطن
الدكتوره شي من فا
Chieh-min Fan

جيده جدا بس ليست مثل آن روبرتز او جيمس سبيز

الصراحه حجزولي عند مجموعه دكاتره في هالمستشفى وانا خايفه لانه عالجت قبل في المانيا وقالو فيه الياف وايد وعندي وحده كبيره الحين حجمها 15 خارج الرحم والثانيه 6 والباقي 3 و 2 ووايد داخل الرحم وقالو احتمال نشل الرحم والحين هل اخاطر في هالمستشفى والا احاول احجز عند دكتور جيمس ابى اعرف اذا هو شاطر في العمليات لاني سويت تفتيت الالياف عن طريق الامراي في الهند ما نجح

أنصح بالدكتور سبيز

خلاص خذولي موعد عند الدكتور جيمس بتاريخ 22 هالشهر ومشكور وما قصرت يا دكتور واي تطورات في الموضوع بفيدكم باذن الله

مرحبا دكتور البارحه رحت عند الدكتور جيمس وقالي ما اقدر ااعالجج لازم احولج على جراح انتي تحتاجين عمليه وحولني على مستشفى واشنطن سنتر عند الدكتوره اليزابيت شاهين وحبيت اعرف اذا هالدكتوره شاطره والا لا

ما أعرفها لكن دام د سبيز وصي بها أكيد جيدة

قابلت الدكتور سبيز الإسبوع الفائت في مؤتمر بأوروبا وقال لي أنه حولك لجراح كونك غير متزوجة...... كيف أمورك؟

اولا حبيت اشكرك يا دكتور واقولك يزاااااااااك الله خير الصراحه اول شئ بفضل ربي ثم بفضلك الحمدلله سويت العمليه بتاريخ 5/6 ونجحت العمليه وما شلو الرحم اول شئ سوولي قسطره حطو ماده في الشرايين عشان ما انزف وعقب سوولي العمليه واليوم كملت 4 اسابيع الصراحه ما قصرت وديتني عند ناس فاهمين والدكتور حولني على الدكتوره لانه حجم الليفه كبيره وانا متزوجه بس ما عندي عيال اللهم لك الحمد والشكر

الحمد لله عالسلامه والله يرزقك بالذريه الصالحه

الله يسلمك يا دكتور وما قصرت والله

ساهمي بنشر الموقع... الكثير من النساء يتعرضن لعمليات إستئصال و يمكن علاجهن بالقسظره

الصراحه انا في امريكا قابلت ناس من السعوديه والكويت وخبرتهم عنك ويوم برجع الامارات اعرف ناس محتاجين للعلاج اول شئ بخليهم يستشيرونك يمكن العلاج عندك الصراحه ما قصرت ساعدتني كثير في ميزان حسناتك

ارجو الرد في اقرب وقت
 

السلام عليكم دكتور انا من 4 سنين نصحتني عن دكتور في امريكا اللي مسوي عملية وزيرة امريكا ............ الحين ابى نصيحتك دكتور وان شاء الله ما اتقصر انا سدو شراييني وقت العمليه عشان ما يشلون رحمي والحين من 4 سنين ما حملت والحين اكتشو شريانين في الرحم مسكره والبطانه ضعيفه وفي دكتور في مصر قال انا بحاول افتح هالشرايين هل هالعمليه خطيره والا لا حبيت اسال وارجوك ترد لانه الاسبوع الياي بسويها

غير صحيح كلامه. لابد تستشيرين طبيب عقم نساء متخصص

شكرا دكتور على ردك السريع
انا استشرت دكتور متخصص في العقم والولاده في مصر وقال لازم اسوي قسطرة تصوير وتبين في التصوير عندي شرايين في الرحم مبنده وقال لازم اسوي قسطره وافتح هالشريان عشان يتغذى الرحم دكتور ارجوك اتريا ردك في هالموضوع وانا واثقه بكل كلمه تقولها وانته من قبل ساعدتني مساعده في المحافظه على الرحم واتمنى هالمره نفس الشيء وجزاك الله خير وفي ميزان حسناتك

كلامه غير صحيح

شوفي د محمد البقنه في مستشفي الحبيب بالرياض