الف شكر يادكتور على الرد بس حبيت اعرف باي مستشفى او عياده تكون موجود فيها با الفتره المسائيه للحجز للعلاج عندك

شكرا دكتور على الرد بس احبيت استفسر باي عيادة او مستشفى تكون متواجد باالفتره المسائيه للحجز والعلاج عندك

أشوف مرضاى الآن فى السعودى الألمانى بقسم الاشعة بين 8 و10 مساء....لين تفتح العيادة بإذن الله قريبا

لابد من تقييم حالة القناة لديك الآن حيث الأمور تتغيير من شهر الى شهر وذلك بعمل صبغة الرحم

لوسمحت دكتور انا بتعالج عندك بس ابي اعرف متى احسن وقت اعمل اشعة الصبغه قبل الدوة الشهريه او بعدها وشكرا وكيف طريقة اخذ الموعد

الموعد تآخذينه من الرقم بالموقع

تعمل الصبغة يومين بعد إنتهاء الدورة مع تجنب الجماع

شكرا دكتور على الرد وانشاالله انتظر موعد الدوره الله يكرمك واخذ موعد

دكتور اليوم اتصلت لاخذ موعد فقالو لي لازم اجيب صورة اشعة الصبغه وانا عملتها بمستشفى العسكري بس مدري يعطوني صوره ولا لا بس انا بكره راح اطلبها بس اذا معطوني صوره ايش اسوي

لازم نشوف الأشعة علشان نقرر لك

السلام عليكم دكتور حابه استشيرك بحل لمشكلتي و اهي ان اول ماتزوجت حملت و الله رزقتني بنت و حطيت لولب لمده سنتين و بعد ما شلته ما حملت و بعد ما مرت 6 اشهر او اكثر بديت ادور اشوف شنو المشكله علشان اعالجها رحت عند دكتور و سويت منظار بطن و كان في كيس علي المبيض اليمين و شاله و انسداد بالانابيت و يقولي فتحتهم بالغصب و بعدها خذيت منشطات 3 اشهر و ما في حمل و ريحت جم شهر و رجعت مره ثانيه عند مستشفى رويال حياه و سويت اشعه بالصبغه بدون بنج شهر 3 و ما تحملت بس فتح الانبوب اليمين و اليسار مسدود من اوله و مو راضي يفتح و لاني تالمت وقت كل شي و قمت ما كملت و راجعت عندهم و بعدين خيروني بين طفل انابيب و انا اخترت اغير المستشفى و رحت المواساه عند دكتور ناهض حمادييه و بعدين عدت الصبغه بالاشعه بنج عام شهر 6 هالاسبوع و النتيجه ان انسداد تام بالانابيب و قالي الدكتور ان اشعه مع القسطره افضل من الصبغه بس بس انا اللي اصريت علي الصبغه مع بنج لان اشعه مع القسطره بالمواساه ما يقدر يسويها لي مع بنج لان الجهاز المتوفر قديم و لازم اكون صاحيه علشان اتحرك و اساعده و هذي مشكلتي كنت ابي اعرف هل تقدر تسويلي القسطره بالاشعه مع بنج عام بالكويت علما بان موعد زيارتك لا يناسب موعد القسطره الجاي و شكرا وجزاك الله عنا خييييييييييييير و شكرا ارجو الرد

أهلا إختى

القسطرة سهلة و أخف ألم من عمل الصبغة التى تحتاج حقن مزعج

رويال حياة الحين يركبون جهاز القسطرة بس ما يجهز إلا شهر 8

أنصح بمحاوله فتح الأنابيب لأنها سهلة. الكثيرون يجوون الرياض وممكن ترجعين بنفس اليوم مع التنسيق معنا